News-Details

Picturs e gravaders ambulonts sisum la Cadi

15.11.2018

(anr/gc)

Regularmein publichescha pader Urban Affentranger davart fatgs,
persunalitads ed edifecis ord la historia dalla claustra da Mustér.
Recentamein
ei cumpariu dad el ella seria «Studis e communicaziuns digl uorden benedictin» ina lavur davart: «Das Kloster Disentis und die Quellen des Rheins im Blick reisender Landschaftsmaler und Kupferstecher ». La contribuziun ei da ver sco separat. Divers picturs da cuntradas e gravaders d’irom ein vegni digl exteriur, ils biars dalla Germania, ell’emprema mesadad dil 19. tschentaner en Surselva. Els s’audan denter ils emprems ch’han ughegiau da ir per malegiar tochen si tier la tgina dil Rein al Lag da Toma. En quei connex han els era visitau la claustra da Mustér ed ein s’entupai leu cun p. Placi a Spescha, igl enconuschent benedictin e piunier dallas Alps, che valevi – tenor els – sco il pli bein informau um ell’entira Val. Ella broschura vegnan entgins maletgs da quels picturs da cuntradas e gravaders d’irom ambulonts mussai, pil pli davart la claustra da Mustér e sur dalla tgina dil
Rein. Interessantas ein mintgamai era las descripziuns da lur viadis en nossa regiun.

FOTOS Gravura en irom cul Lag da Toma, da Johann Georg Primavesi (1816).  Vitg e claustra da Mustér entuorn 1840 – aquarel da David Alois Schmid.