News-Details

Cussegl da vischnaunca

04.12.2018

Ils 25 da november 2018 han las votantas ed ils votants da Mustér eligiu cusseglier Wendelin Jacomet sco niev gerau. Cheutras sa Wendelin Jacomet buca pli far part dil parlament communal. Per cumpletar il cussegl da vischnaunca pil temps d'uffeci 2019/2020 vegn instradau in'elecziun cumplementara.

La suprastonza communala ha, conform alla lescha davart ils dretgs politics, fixau ils suandonts termins:

L'elecziun cumplementara d'ina commembra ni d'in commember dil cussegl da vischnaunca ha liug dumengia, ils 10 da fevrer 2019.

Vischinadis, partidas politicas localas ni gruppas da silmeins 15 votantas e votants san proponer entochen 30 dis avon l'elecziun candidatas e candidats. Las propostas ein da far a scret e d'inoltrar entochen gievgia, ils 10 da schaner 2019 all'administraziun communala.

 - propostas per l'elecziun cumplementara 2019