News-Details

Rodund 50 participonts

29.01.2019

(anr/hh) Da bunas relaziuns da neiv ed aura ha l’Uniun da scursalar e spassegiar Mumpé Medel saviu organisar la dumengia vargada sia cuorsa da scarsolas e sliusas. En quei connex ha l’uniun saviu festivar in pign giubileum. Igl ei numnadamein stau la 15avla cuorsa. La concurrenza ha danovamein menau sin la via da meglieraziun naven da Val da Runs entochen el vitg da Mumpé Medel. Il tschancun ei rodund treis kilometers liungs. La differenza d’altezia munta a rodund 240 meters. En cumparegliaziun cugl onn passau ei la participaziun stada uonn fetg legreivla. Eran igl onn vargau aunc 30 persunas separticipadas sche han ils organisaturs saviu beneventar uonn rodund 50 concurrentas
e concurrents. Apparentamein ha la reclama bucca tier bucca purtau fretg. Las relaziuns da pista ein stadas excellentas ed han aschia possibilitau ina concurrenza gesta. Danovamein han las sliusas decoradas contribuiu essenzialmein all’attractivitad dalla cuorsa. Per quellas equipas va ei buc en emprema lingia pil temps, mobein per la participaziun ed il plascher.

Fotografias


Rangaziun
Scarsola affons 2007–2011: 1. Annatina Pfister,
Schlans, 4.49.41; 2. Elia Schmed, Mustér, 4.51.83;
3. Jannis Lutz, Mustér, 5.16.62; 4. Lian-Mattia
Murer, Mustér, 5.17.52; 5. Timo Lozza, Mustér,
5.23.73.
Scarsola affons 2003–2006: 1. Livio Lozza, Mustér,
4.12.37; 2. Aaron Lutz, Mustér, 4.14.84; 3. Sofia
Pfister, Schlans, 4.57.64; 4. Lisa Schwarz, Trun,
5.56.14.
Scarsola damas: 1. Romana Pfister, Trun, 4.30.75;
2. Fabiana Jacomet, Mustér, 4.32.60; 3. Nicole Jacomet,
Mumpé Medel, 4.35.86; 4. Ursina Murer,
Mustér, 4.54.04; 5. Lidia Manetsch, Mumpé Medel,
5.50.52.
Scarsola umens: 1. Ursin Jacomet, Mustér,
3.52.21; 2. Rafael Jacomet, Mustér, 5.13.22; 3.
Marcus Jacomet, Mustér, 5.18.11; 4. Beat Pfister,
Schlans, 6.01.73; 5. Wendelin Jacomet, Mumpé
Medel, 6.09.49.
Sliusas sin temps: 1. Desertina Boys, Mustér,
5.52.97.
Sliusas senza temps: Ils Veders, Mustér; Ils Cacciatores,
Mustér; Cool Runnings, Mustér; Ils Uors, Mustér; Sliusa nostalgica, Mustér.