News-Details

Sonda, ils 21 da settember ha il final da Top junior musique lieu a Crans-Montana

19.09.2019

Il final svizzer cun participaziun rumantscha (cp) Sonda, ils 21 da settember ha il final da Top junior musique lieu a Crans-Montana. Là sa mesiran nov furma ziuns. Duas vegnan da la Surselva: Picant e Brassorama. Quel final vegn emess directamain en las televisiuns svizras SRF1, RSI uno e RTS 1 (15.00–16.30). Ils radios da la SSR SRG han organisà quest onn ina concurrenza per giuvenils en las spartas musica populara, chant da chor, musica instrumentala ed accordeon. Suenter las quatter preselecziuns organisadas dad SRF Musikwelle a Reiden/LU (musica populara), RSI rete uno a Faido/TI
(musica instrumentala), RTS la1ère a Moudon/VD (accordeon) ed RTR a Glion/GR (chant da chor) ha il grond final da TOP junior musique lieu ussa sonda, ils 21 da settember a Crans-Montana (VS).

Ils finalists
Nov furmaziuns van en quest «cumbat musical»: Natascha e Maruschka Monney jodladras (FR), Mattia Albisetti mandolinist (TI), Kapelle Sondewend (AI), Coro Calicantus cun maestro Mario Fontana (TI), Ensemble Schola de Sion (VS) cun il dirigent Marc Bochud, Ensemble Picant Surselva, 17 chantaduras suste gnidas da Clau Scherrer al clavazin e manadas musicalmain da Flavia Walder, Brässkalation, 10 musicants da renum da la regiun dal Freiamt (AG), Brassorama, 21 scolars da la Scola da musica Surselva cun il magister
Hanspeter Bircher e Valentin Claivoux & Quintin Bénet – accordeon e piano (VS).

Vossa vusch quinta!
Il final vegn moderà da Jean-Marc Richard (RTS), Carla Norghauer (RSI), Sven Epiney (SRF) ed Elin Batista (RTR) e quai en las quatter linguas naziunalas. Giusep Giuanin Decurtins, manader da la gruppa IAF (Interregionale Arbeitsgruppe Folklore) da la SSR SRG, vegn a presidiar la giuria che sa cumpona d’ina vart da trais persunalitads dal mund da la musica da divertiment: Melanie Oesch da la Svizra tudestga, Phanee de Pool da la Suisse romande ed il chantadur Sebalter dal Ticino ch’ha gì represchentà la Svizra 2014 en l’Eurovision Song Contest. E da l’autra vart san las aspectaturas ed ils aspectaturs da televisiun votar per telefon. Sonda: 21-09-2019 mo tranter las 15.00 e las 16.30 pussaivladad da telefonar e votar per:

Brassorama: 0901 54 43 01
Ensemble Picant: 0901 54 43 04