News-Details

Nus sustenin il commerci indigen

26.03.2020

Dapi gliendisdis, ils 16 da mars 2020, ei era en Surselva la veta da mintgadi stada eri. Quei ha immensas consequenzas per il commerci da detagl e la gastronomia. Duront che las grondas fatschentas untgeschan immediat sin lur canal online, han numerusas fatschentas en Surselva extendiu lur purschidas sin furniziuns a casa, retratgas ord scaffas da brevs ni creau in commerci online ed ina spediziun postala. Biars offerents miran da furnir il medem di e per ordinari gratuitamein. Nus appellein a tuts da semussar solidaris cun nies commerci e da profitar da nos partenaris locals cun lur purschidas innovativas en quella situaziun speciala. Cun Vies sustegn sa nies commerci surviver quella crisa. Ensemen vegnin nus a dar damogn a quella sfida.

Tuttas purschidas dil commerci e dalla gastronomia en Surselva en fuorma da carta anfleis Vus sut www.surselva.shop