Controlla da habitonts

Controlla da habitonts


Annunzia en vischnaunca

Vus essas obligai da s’annunziar enteifer 14 dis dapi Voss'arrivada en vischnaunca tier la controlla da habitonts. Nus supplichein Vus da prender ils suandonts documents cun Vus:

Svizras/Svizzers:

  • Scret da patria
  • Attest dalla cassa da malsauns (tier famiglias per tut ils commembers)


Persunas digl exteriur:

  • Passaport
  • Cudischet da stagiunari (sche avon maun)
  • Attest dalla segirada da malsauns (tier famiglias per tut ils commembers)
  • Formular „Gesuch Ausländerbewilligung A1/B1“ emplenius ora e suttascrets (incl. tuts documents prescrets)


Dimorant dalla jamna:

  • Attest da domicil


Annunzias online:

Vus saveis annunziar vossa partenza ni midada d'adressa online sut www.eumzug.swiss 


Annunzia da partenza

Vus essas obligai d'annunziar ordavon Vossa partenza dalla vischnaunca da Mustér tier la controlla da habitonts. Leutier basignein nus:

Svizras/Svizzers:
•    Datum dalla partenza
•    Nova adressa
•    Retschevida per ils documents

Vus retscheveis Vies scret da patria per s’annunziar tier in auter liug da dimora en Svizra ni egl exteriur.

Persunas digl exteriur:
•    Datum dalla partenza
•    Nova adressa (Formular da s’annunziar giu)
•    Libret


Midada d'adressa enteifer la vischnaunca

Nus supplichein Vus d'annunziar ina midada d’adressa enteifer 14 dis alla controlla da habitonts.

Nus basignein las suandontas indicaziuns:

Svizras/Svizzers:
•    Nova adressa
•    Datum dalla midada d’adressa
•    Midada d'ulteriurs commembers dalla famiglia

Persunas digl exteriur:
•    Nova adressa
•    Datum dalla midada d’adressa
•    Midada d’adressa d'ulteriurs commembers dalla famiglia
•    Attest d’jasters
•    Copia dil passaport/carta d'identitad

Midada d'affittader


Dimora duront l'jamna en in'autra vischnaunca

Sche Vus habiteis transitoriamein (silmeins 3 meins) en in’autra vischnaunca e returneis regularmein ella vischnaunca Disentis/Mustér, essas Vus obligai da s’annunziar sco dimorant dall'jamna tier la vischnaunca nua che Vus habiteis transitoriamein.

Per l’annunzia basigneis Vus in attest da domicil, il qual Vus saveis empustar tier l’administraziun communala. Per saver tschentar ora igl attest da domicil basignein nus l'adressa dil liug da dimora. 

  • Attest da domicil frs. 10.--
  • Prolungaziun attest da domicil frs. 10.--

Confirmaziun da domicil

Stueis Vus indicar Vies liug da domicil per in fatg ufficial ni per in auter intent? Nus tschentein bugen ora ina confirmaziun da domicil, che attesta Voss’adressa ed il temps da domicil en nossa vischnaunca.

•    Confirmaziun da domicil frs. 10.--


Mortori

Mortori a casa
Ina persuna ord la famiglia ei obligada d’annunziar la mort enteifer dus dis all'administraziun communala Disentis/Mustér. Purtar la confirmaziun da mortori tschentada ora dil miedi che ha constatau la mort e suttascriver l’annunzia da mort tier l'administraziun communala.

Sche la persuna vegn satrada en vischnaunca, communicar il datum da mortori, da rusari e sepultura all’administraziun communala.


Maridar

Empustar il formular d’annunzia da maridaglia tier igl Uffeci da stadi civil Surselva
Tgei documents?

Burgheis Svizzer
•    Certificat dil stadi civil
•    Attest da domicil
•    Passaport ni carta d’identitad

Burgheis digl exteriur

  • Documents translatai en tudestg che muossan la naziunalitad, schlatteina, stadi civil e derivonza
  • Attest da domicil
  • Libret da stagiunari
  • Passaport ni carta d’identitad

Documents digl Uffeci civil Cadi

Divers documents sco per exempel in scret da partria, in scret dil stadi persunal sco era in scret da famiglia san vegnir empustai per telefon tier igl Uffeci da stadi civil Surselva a Glion (081 926 25 35).


Deponer testaments e contracts d'ierta

La controlla da habitonts pren en salv testaments sco era contracts d'ierta e/ni contracts matrimonials.

En cass da mortori vegnan quels documents tarmess dalla controlla da habitonts alla dertgira regiunala Surselva a Glion. La dertgira regiunala arva il testament ni il contract d'ierta e/ni matrimonial ed instradescha ils ulteriurs pass.
Tier ina partenza dalla vischnaunca Disentis/Mustér ei la persuna che ha deponiu ils documents sez responsabla che quels vegnan deponi el niev liug da domicil.

Surdar persunalmein il testament sco era il contract d'ierta e/ni matrimonial al spurtegl dalla controlla da habitonts duront las uras da spurtegl.

Igl ei era pusseivel da tarmetter enscret il document. Per plascher tarmetter a:

Administraziun communala
p.m controlla da habitonts
Via Cons 2
Caum postal 57
7180 Disentis/Mustér

Taxa da depot: CHF 100.00



Links

Links
Uffeci civil Cadi