La suprastonza dalla pleiv ei igl organ executori ed administrativ dalla pleiv. La lavur sepleiga sco en mintga reuniun. La suprastonza secumpona ord siat commembers. Il plevon ed il president dil cussegl pastoral ein ex officio commembers da suprastonza.
- Il president convochescha las radunonzas dalla suprastonza. El presta lavur organisatorica ed emprova d’empustir e francar ils ligioms culs representants da suprastonza dallas pleivs da Medel e Tujetsch.
- L’actuara e vicepresidenta ei responsabla per la redacziun dils protocols. Ella substituescha il president.
- Igl ugau-pervenda administrescha las immobilias dalla pervenda. El ei responsabels per las pagas dils emploiai e per il manteniment da baghetgs.
- Igl ugau-baselgia administrescha la facultad dalla baselgia parochiala s. Gions sco era dallas baselgias da s. Placi e s. Gada. Sia lavur cumpeglia era l’administraziun da plirs fondos.
- Il representant dalla caplania da Segnas ei il ligiom direct denter la pleiv e la caplania. Ensemen cun ses consuprastonts administreschan els la facultad dalla baselgia ed ils beins dalla caplania.
- Il president dil cussegl pastoral ei la persuna cumpetenta per l’execuziun dalla lavur adossada a quei cussegl ed el ei ligiom e responsabels per l’informaziun alla suprastonza.
- Il menaschi finanzial e l’administraziun dalla facultat dalla pleiv s. Gions vegn examinaus dils revisurs da quen. Ultra da quei revedan els era ils quens e menaschi da tuttas capluttas e fundaziuns dalla pleiv s. Gions.
Suprastonts:
Linus Maissen, president dalla Pleiv
Jris Lombris, actuara
Claudius Berther, ugau-baselgia
Willi Lozza, ugau-pervenda
Gion Tenner, president dalla caplania Segnas
Laurenzia Cajacob, presidenta cussegl pastoral
sur Alexi Manetsch, ex officio