EC Container 4
Ord la historia 1600 La caplutta ei vegnida construida dil 17avel tschentaner dlla Confraternitad dils pelegrins da Compostella. Ella ei vegnida consecrada anno 1643 entras uestg Johannes VI. 1615 Enamiez igl altar vesein nus ina madonna cul bambin. Sper Nossadunna ein s. Giachen cun fest e tastga ed igl evangelist s. Mattiu. Quei altar datescha da 1615 ed ei da tempra rusticala e maniera gotica, ei pudess esser in’ovra da Greutter. 1910 La caplutta da Cuoz posseda mo in zenn ch’ei vegnius culaus 1910. 1936 La caplutta survegn in niev plantschiu da lenn.
Il diever dad oz Avon che la caplutta dils morts a Mustér ei vegnida eregida, tuccavan ei a Cuoz duront ils cuors da bara. Oz denton ei quei buca il cass pli. Rusari vegn ei mai fatg. Ils 16 d’uost, da s. Roc, respectiv il di da perdanonza, vegn la caplutta visitada dalla processiun dils buobs da Segnas.
Ord il cudisch «Baselgias e capluttas da Mustér»
EC Container 5