Caplutta da Mumpé Medel
La caplutta da S. Valentin a Mumpé Medel (documentada gia 1650) cun siu altar d’alas dalla gotica tardiva.
Ord la historia
La caplutta da s. Valentin a Mumpé Medel ei vegnida baghegiada igl onn 1647. Quei datum stat aunc oz sur la porta baselgia. Leu sesanfla era l’inscripziun s. Valentin.
1515 Sil mir dretg in custeivel altar gotic tardiv che ei pli vegls che la baselgia sezza
1670 Il maletg da s. Valentin e s. Brida sigl altar grond ei digl onn 1670
1710 Il vut da Nossadunna sper il tabernachel astgass derivar digl onn 1710
1790 Il zenn vegl da 1790 porta l’inscripziun «Sebastian Luz tutor e bcnefactores». Il davos maletg ella nav muossa co igl aunghel Mihael catscha Lucifer ellas flommas digl uffiern
1965 La caplutta vegn dada colur dadens
1966 vegn installau la glisch electrica
1976 A caschun dalla renovaziun dalla baselgia da s. Gions ha quella survegniu finiastras novas. Quater finiastras beinmantenidas ein vegnidas transportadas a Mumpé Medel e montadas leu. Sin quellas savein nus admirar en pictura da veider igl uestg s. Augustin, il mistergner s. Giusep, il pader s. Antoni e s. Veronica
1979 vegn la caplutta renovada totalmein naven dil spitg dil clutger entochen ils fundaments
1980 Agl arviul dalla nav nua ch’ei era pli baul in maletg d’ina monstronza ha il pictur e restauratur Jörg Joos dad Andeer creau in maletg tenor in original che sesanfla ella baselgia parochiala da Peiden. Dretg e seniester dall’entrada ein las «fenestras d’oraziun» (per visitaders che cattan la baselgia serrada) vegnidas fatgas libras, e las cruschs dils apostels en pictura murala ein vegnidas scuvretgas e restauradas.