EC Container 4
1718 La caplutta da Perdomat en stil baroc ei vegnida baghegiada entuom 1718 dils paders caputschins. Ella ei vegnida dedicada a s. Antieni. Igl altar culs 15 misteris dil s. Rusari en medaglions sco rama dil maletg che representa Nossadunna, in uestg ed in avat (s. Antieni c s. Gotthard)
1720 II zenn pign datescha dil temps dalla construcziun dalla caplutta
1915 Il zenn grond ei digl onn 1915
1930 vegn la caplutta renovada dils da Perdomat, quei ei stau ina lavur fetg stentusa, perquei ch’ins ha stuiu cavar si il plantschiu e trer neutier il material tut a maun. Da mintga vart dalla caplutta eisi vegniu construiu in sfoss per trer giu aua. In per onns avon la renovaziun ha era il tetg vegl stuiu vegnir surtratgs cun stuors.
2004 vegn la caplutta renovada totalmein naven dil spitg dil clutger tochen als fundaments
II diever dad oz
Dapi circa 1943 vegn ei fatg mo duas gadas ad onn messa, numnadamein ils 17 da schaner (s. Antieni) ed ils 5 d’uost (Nossadunna dalla neiv).
Il rusari e la perdanonza ein vegni dismess ils anno 1974 muort munconza da participaziun. Culs usits da tuccar eisi era iu a digren ils davos onns. Dapi 1977 vegn ei buca tuccau pli da miezdi, d’Avemaria eis ei mai vegniu tuccau. Sco sulet usit ei quel da tuccar da miert e duront il cuors da bara restaus.
fotografia: Gion Tenner 2011
EC Container 5