Caplut a Sontget

caplut_sontget
Avon ch'ei vegni baghegiau la via nova era ei neginas casas a Sontget. Il Sontget era giu sper la via vedra sut la casa dil Flury (Rhätia) che mava giu suten. Il mir damaun sura dalla via vedra ei aunc ussa veseivels – che mava tochen en sut la casa da anteriur mistral Martin Deflorin – leu vegneva la via si el vitg. Il Sontget vegl era pli pigns che quel dad ussa. Il crucifix era ina miraculus. Il Sontget ed il manteniment da quel udeva tier alla cumpagnia da mats da Mustér. Procuratura dil Sontget era ina mata dil vitg. Ella ornava si el aschi bein sco la saveva. Empau plinanen ch'il Sontget – giu el cantun dil curtin dils Columbergs – era ei ina caltgera, ch'ei vegneva barschau caltschina per il contuorn. Il terren era pistira, grava e gonda, sco quei ch'ei aunc ussa da leu vergond si, pertgei pli da vegl mavi il Rein dalla val s.Placi da leugiu (dalla val da tgapers). Els anno 1856/57 han ei baghegiau la via nova e suenter quei – cura ch'ei han entschiet a baghegiar enta vitg – sche targevan ei ora Sontget silla pastira il material e tratsch, che vegnieva cavaus ord ils suloms. Pli tard ha la vischnaunca vendiu giu da bia pastira a privats, per far suloms e curtins. Ils daners ch'ein vegni ord la vendita da quels suloms, ein vegni tier alla casa pauperila da Mustér. Cul temps eis ei vegniu baghegiau si pliras grondas e bialas casas cun bials curtins e plontas, da maniera, ch'ei ussa in bi liug da habitar, Ils mats da Mustér han fatg giu il Sontget s. Placi e fatg si el leusi. Il mir sut stat ella gassa veglia. (si crucifix).
Extract il cudisch «Notizias rimnadas da p. Baseli Berther»