Polizia da fiug

Polizia da fiug

La damonda alla polizia da fiug ei d'inoltrar ensemen cun la damonda da baghegiar agl uffeci da baghegiar communal.

Per la construcziun da baghetgs novs sco era per l'engrondaziun - resp. sanaziun  cumplexas - basegna ei ina lubientscha dalla polizia da fiug.

Ulteriuramein basegna ei ina lubientscha dalla polizia da fiug per las suandontas lavurs:

  • Construcziun ni remplazzament da scaldaments centrals
  • Construcziun ni remplazzament da tancs d'ieli
  • Construcziun ni remplazzament da pegnas scalegl, cheminées etc.
  • Construcziun ni remplazzament d'indrezs e deposits da gas
  • Construcziun ni sanaziun da tgamins
  • Construcziun ni remplazzament da cuschinas
  • Construcziun da novas ventilaziuns e remplazzament da ventilaziuns existentas
  • Sanaziuns internas d'edifecis e stabiliments d'alloschament (hotels, pensiuns, ustrias etc.)
  • Sanaziuns internas d'edifecis e stabiliments da menaschis da mistregn e commerci

Quella gliesta ei exemplara. En cass da damondas dat igl  uffeci per la polizia da fiug (tel. 081 936 06 00; mail feuerpolizei@remove-this.gvg.gr.ch) bugen sclariment a Vus. Il formular per la damonda da baghegiar anfleis Vus cheu ni el spurtegl virtual (sut Downloads).


Controllas periodicas

La polizia da fiug ei obligada da controllar periodicamein tuts edifecis e stabiliments che stattan a disposiziu per diever public. Ulteriuramein controllescha ella periodicamein garaschas sur 150msurfatscha e tuts edifecis che vegnan utilisai per magasinar materials inflammabels. Plinavon tut edifecis da habitar cun scaldaments da lenna, scaldaments d'ieli da gas etc.