News-Details

Cussegl da vischnaunca

19.12.2017

Ella seduta dils 15 da december 2017 ha il cussegl da vischnaunca sut il tgamun da Christoph Berger tractau e concediu unanimamein in credit da frs. 135‘000.-- per la construcziun d'in baghetg pil santeri e stabiliment per la rimnada da rufids.

Il cussegl da vischnaunca ha eligiu Armin Manetsch, Mumpé Medel sco president dil cussegl da vischnaunca per igl onn 2018. Sco vicepresident ei Armin Berther, Segnas vegnius eligius. Pils proxims treis onns ei plinavon Paul Duff, Segnas vegnius reeligius sco actuar dil cussegl. Suenter la seduta han las commembras ed ils commembers dil cussegl, ensemen cun la suprastonza communala, astgau guder la beinmeritada tscheina finala.

La suprastonza communala admetta al cussegl da vischnaunca in grond engraziament per la buna lavur prestada sco era per l'emperneivla collaboraziun.