La carta dil di dalla vischnaunca ei ina purschida dalla vischnaunca. Quella carta saveis Vus duvrar per viagiar cun quasi tut ils mieds da traffic publics en Svizra (p.ex. tren, auto da posta, tram, bastiment).

La vischnaunca ei en possess da 3 cartas dil di per la secunda classa.
Ina midada da classa ei pusseivla, igl alzament sto denton vegnir pagaus al spurtegl.
Empustar la carta dil di san ins entochen in onn ordavon.
Per tarmetter la carta cun posta vegn quintau frs. 5.-- spesas.
Brattar ni returnar cartas cumpradas ei buca pusseivel.

Impurtont!!
Per prevegnir ad in maldiever da quella purschida, supplichein nus Vus da retrer la carta duront 5 dis suenter Voss'emputaziun. Cartas reservadas vegnan buca annuladas ni restituidas. Sche la carta vegn reservada e buca retratga, vegnan ils cuosts caschunai tschentai a quen.

Novaziuns 2012
La viafier ha augmentau il prezis dallas cartas da viagiar dil di. Ord quei motiv vegn naven digl 1. da schaner 2012 il prezi per cartas da viagiar dil di (Flexicard) adattaus da frs. 38.-- sin frs. 40.--/carta. Plinavon vegn la vendita dallas cartas restrenschida sin persunas domiciliadas en Surselva.

Empustar la carta dil di

Vus veseis cheusut tgei dis che las cartas ein gia empustadas.