Informaziuns

Elternnotruf 24/7 cussegliaziun

La finamira ei da sustener Vus e Vossa famiglia. Cumpegliau ei la cussegliaziun en cass da damondas davart educaziun ed il svilup dils affons, giuvenils e giuvens carschi. Era en muments critics, conflicts e crisas ei l’organisaziun cheu per Vus.

Cussegliaziun da geniturs dil Grischun

La Cussegliaziun da geniturs ei ina purschida che sustegn las famiglias e che porscha ina cussegliaziun preziusa per mummas e babs, per tattas e tats sco era per persunas da referiment d’affons enfin 5 onns. Sche Vus haveis damondas davart il svilup, davart l’educaziun, davart il nutriment ni davart la sanadad da Vies affon ni en connex cun auters temas da famiglia – allura ei il team da cussegliaziun professiunal dalla Cussegliaziun da geniturs dil Grischun cheu per Vus. La purschida vegn finanziada dil cantun ed ei gratuita per Vus. La Cussegliaziun da geniturs dil Grischun ei buc’ affiliada ad’ina autoritad, ei denton suttamessa all’obligaziun da discreziun.

La Cussegliaziun da geniturs dalla Surselva ei cuntonschibla da gliendisdis enfin venderdis per telefon dallas 08.00 entochen las 11.00 uras.
Sche Vus vuleis discuorer cun ina cussegliadra da geniturs ni fixar in termin per in discuors, visitei nossa pagina d’internet Elternberatung Surselva / Cussegliaziun da geniturs Surselva.

Cussegliaziun per geniturs Surselva
Via Centrala 2
7130 Ilanz
+41 77 290 73 70

Cussegliaziun per geniturs Surselva
Casa Cumin
Via Sursilvana 25
7180 Disentis/Mustér+41 77 290 73 70

Pro Juventute cussegliaziun per geniturs 24/7
Cheu per Vus da tuttas uras per discussiunar Vossas damondas davart educaziun e per cussegliar Vus en situaziuns acutas e problematicas. La cussegliaziun sefocussescha adina sin Vies affon.

Cun «find-help GR» anflan persunas ch’enqueran agid spert e sempel purschidas da cussegliaziun e sustegn sco era posts cumpetents el Cantun Grischun.

Cussegliaziun per geniturs:

• sch’ei dat problems da svilup e d’emprender tier Vies affon
• sche igl affon dat en egl pervia da siu cumportament social
• sche igl affon sesenta buca bein pli a casa ni en scola
• sche Vus leis seschar cussegliar davart damondas dalla carriera da scola
• sche Vus vuleis tractar damondas d’educaziun ni da scola
• sche Vus vuleis encurir novas vias el discuors cun la persuna d’instrucziun

Center per psichiatria Surselva, Glion

Adina puspei san geniturs esser surdumandai pertuccont gl’agir en certas situaziuns d’educaziun. Cheu porscha il center psichiatric a Vus cussegliaziun davart las pusseivladads ch’existan e tgeininas ch’ein il pli reussibels. Savens portan gia entgins discuors fretg.

Fundaziun survetsch ortopedagogic dil Grischun, Surselva 
La fundaziun sedrezza ad affons che muossan difficultads motoricas, socialas ed emoziunalas en lur educaziun. Ei vegn era fatg stem dall’influenza corporala, social-emoziunala, spirtala e culturala, la quala sa effectuar ina persuna.

L’app parentu informescha geniturs cun affons denter 0 e 16 onns en 15 lungatgs davart temas dall’educaziun, formaziun e sanadad. L’app ei gratuita e senza reclama.

Cussegliader per geniturs e giuvenils pertuccont educaziun, formaziun, vapes, alcohol e fimar, sfidas psichicas ni daners – feel-ok.ch sustegn Vus en caussa.