Informaziuns far fiug e fiugs artificials

Scamond absolut da far fiug

En consequenza dalla liunga perioda da bialaura exista actualmein in grond prighel d’incendis d’uaul e cultira. Muort quei grond prighel ha la suprastonza communala decretau pigl entir territori ordeifer la zona da baghegiar dalla vischnaunca da Disentis/Mustér in scamond absolut da far fiug el liber.

Tgei ei scumandau?

Scumandau absolutamein ein tuts fiugs ordeifer la zona da habitar. Era fueinas fixas astgan buca vegnir duvradas entochen sin quellas ch’ein explicitamein marcadas sco libras. Il scamond da far fiug sto vegnir risguardaus strictamein.

Fiugs artificials

Envidar fiugs artificials da tuttas sorts ei scumandau sigl entir intschess dalla vischnaunca da Mustér!

 

Tgei ei lubiu?

Ella zona da habitar astga vegnir grilau cun precauziun. Fiug aviert sto esser circumdaus dad ina protecziun nuncombustibla (fier/crap/betun). Brastgas astgan buca sortir dalla fueina. In mied da stizzar adattau sto esser avon maun.

Sco zona da habitar vala la zona da baghegiar.

Vischnaunca Mustér