Damondas ed annunzias da baghegiar – Inoltraziun ed exposiziun

Damondas ed annunzias da baghegiar han da vegnir registradas ed inoltradas naven dils 1 da settember 2026 directamein sur la plattafuorma digitala eBau / www.ebau.gr.ch.

La quittanza (Eingabequittung) per la registraziun dil project ei da squitschar, suttascriver e tarmetter agl uffeci. La tractaziun dalla damonda ni annunzia suonda suenter la retschevida dalla quittanza suttascretta.

Quei agir duei simplificar la procedura per ils fatgs da baghegiar e gidar da spargnar pupi.

 

Exposiziun publica en fuorma digitala

L’exposiziun publica dils fatgs da baghegiar ha liug naven dils 1 da settember 2026 en fuorma digitala.

Per prender investa dalla documentaziun vegn supplicau da fixar ordavon in termin cugl uffeci da baghegiar (081 920 36 46 ni baghegiar@disentis.ch). Aschia savein nus garantir ina buna preparaziun ed assistenza duront l’investa dils documents.

L’investa publica cuoza 20 dis naven dil datum dalla publicaziun el Fegl ufficial Surselva.

Ulteriuras informaziuns ni agid en connex cun la plattafuorma eBau per telefon 081 920 36 46 (mesjamna – venderdis), per mail sut baghegiar@disentis.ch e sut www.disentis.ch.

Bien engraziament.

Uffeci da baghegiar