Votaziun communala dils 12 da fenadur 2026
Ils 2 da zercladur 2026 ei vegniu inoltrau all’administraziun communala in’iniziativa cun il tetel: «Iniziativa dil pievel pertuccont la sanaziun dalla plazza da glatsch dil Center Fontauna». Il text dall’iniziativa:
Mantener il glatsch artificial dil Center Fontauna entras far las investiziuns necessarias per ina sanaziun ell’altezia da frs. 1’110’000.- (+/- 15 %) cun ina reducziun dalla surfatscha da glatsch da ca. 20 % tenor messadi 20–2025/2028 al cussegl da vischnaunca dils 4 da matg 2026.
Tenor art. 18 dalla constituziun communala vegn quella iniziativa suttamessa alla votaziun dil pievel.
La votaziun all’urna ha liug dumengia, ils 12 da fenadur 2026.
L’urna principala en casa communala ei aviarta sco suonda:
Dumengia, ils 12-7-2026, 09.00–11.00
La documentaziun da votar duess mintga votant(a) haver obteniu. Cass cuntrari san ins s’annunziar immediatamein, denton sil pli tard entochen venderdis, ils 10 da fenadur 2026, allas 14.00, tier l’administraziun communala (tel. 081 920 36 36).
Levgiament da votar
Mintga votant(a) ha la pusseivladad da dar giu sia vusch a scret. En gliez mument sto el/ella observar il suandont:
- Emplenir ora ils cedels da votar a maun e metter quels en la cuviarta da votar grischa e serrar giu ella.
- Metter la cuviarta da votar grischa ensemen cun il certificat dil dretg da votar suttascret en la cuviarta alva, cun la quala Vus haveis obteniu la documentaziun da votaziun.
- La cuviarta ch’ei adressada all’administraziun communala saveis Vus tarmetter cun posta (basegna negina francatura) ni directamein fierer en la scaffa da brevs dalla casa communala.
Ils cedels da votar ston esser sil pli tard la dumengia, ils 12 da fenadur 2026 allas 11.00 tier l’administraziun communala.
Aschinavon ch’ei vegn buca risguardau sura instrucziuns da votar, ein ils cedels da votar nunvaleivels.
