Golden Card
La Golden Card promova il svilup dil liug ellas vischnauncas da Tujetsch, Disentis/Mustér, Andermatt, Realp e Hospental.
DIVERTIMENT E SPORT PER INDIGENS
Igl access per persunas indigenas a:
- Territori da skis Andermatt Sedrun Disentis/Mustér (entir onn)
- Mo igl unviern – Matterhorn Gotthard Bahn denter Mustér ed Andermatt
- Bogn Sedrun (bogn cuvretg e wellness)
- Center Fontauna (fitness, reiver, badminton, minigolf)
- Tennis Center Fontauna e Sedrun (indoor ed outdoor)
- Loipas da cuorsa liunga Val d’Ursera, Sedrun e Nordic Surselva (Mustér entochen Trun)
- Patineras ad Andermatt, Sedrun e Mustér
- Museums: Talmuseum Ursern, museum dalla claustra Mustér, museum Cristallina Mustér, museum La Truaisch Sedrun
- Bus locals a Val d’Ursera, Sedrun e Mustér
- Driving-Range Club da golf Sedrun
PREZIS
| Carschi naven dil 16avel onn | frs. 333.- |
| Affons 6-15 onns | frs. 33.- |
| Affons entochen 5 onns | gratuit |
Retratga dalla Golden Card
La Golden Card sa vegnir retratga tier las pendicularas a Mustér, Sedrun ni Andermatt cun presentar ina confirmaziun da domicil, tschentada ora dalla controlla da habitonts da Vossa vischnaunca. Per persunas cun domicil a Mustér sa la confirmaziun da domicil vegnir retratga sin spurtegl dalla vischnaunca ni cun il formular cheusut.
Dapli informaziuns tier la Golden Card: www.goldencard-asd.ch
Abonnaments existents
Abonnaments gia existents per purschidas ch’ein cuntenidas ella Golden Card vegnan restitui pro rata suenter la cumpra dalla carta. Fagei aschi bien e s’annunziei sin spurtegl dalla vischnaunca. La valetta restonta minimala per ina restituziun munta a frs. 10.-.
Empustaziun confirmaziun da domizil
Per saver retrer la carta ei ina confirmaziun da domicil per tuttas persunas necessaria (era per affons). Nus supplichein dad empustar cun il formular cheusut ina confirmaziun da domicil per mintga persuna dapersei.
Suenter l’empustaziun retscheveis Vus la confirmaziun da domicil sco PDF per mail. Quella saveis Vus presentar ensemen cun in mussament d’identitad (ID ni pass) tier las pendicularas a Mustér, Sedrun ni Andermatt, nua che Vus saveis retrer la carta.
Formular per empustaziun confirmaziun da domicil per Golden Card:
Per damondas stein nus bugen a disposiziun sut 081 920 36 36 ni admin@disentis.ch.
Engraziel fetg per Vies interess vid la Golden Card!
