News-Details

Rimnada da plastic – igl ambient stat a nus a cor!

18.05.2020

Tgei vegn mess el sac blau da recicladi?

El sac da recicladi vegnan ils materials sintetics ch'ein nudai cul simbol (trianghel) e la suandonta numera mess: 1 (PET), 2 (PE-HD), 3 (PVC), 4 (PE-LD), 5 (PP) e 6 (PS). Quei ein per exempel butteglias da plastic (adatg butteglias da PET vegnan rimnadas vinavon separadamein), tubas da plastic, recipients sintetics, butteglias da latg e groma, cups da jogurt, cups e vischala da plastic, canisters, sadialas, parlets, chistas, mobiliar da curtgin, ruogs da fluras sintetics, emballadis da plastic, termagls ord material sintetic, material da biro, tastgas da plastic, folias da victualias.

Ils sacs da recicladi san vegnir cumprai al spurtegl dall'administraziun communala sco era en ulteriurs loghens nua ch'ils sacs da rumians vegnan vendi.

Cuosts:                        frs. 2.20 per sac (sac da 60 l / ina rolla a 5 sacs: frs. 11.00)

Posts da rimnada:        plazza da rimnada da rumien a Raveras ni al recicladi regiunal a Plaun Grond, Glion

Temps d'avertura dalla plazza da rimnada a Raveras:


mesjamna     16.00 - 17.30
sonda            10.00 - 12.00


Nus supplichein da dismetter els sacs blaus da recicladi mo materia da plastic e nuot auter!

Ina gliesta detagliada cun tgei materialias che astgan vegnir dismessas el sac da rimnar material sintetic anfleis Vus sin la pagina d’internet dalla vischnaunca sut: (www.disentis.ch/vischnaunca/infrastructura/serenera)