News-Details

Daners per punt pendenta mauncan aunc

20.11.2020

(fmr/rtr) Las organisaziuns d’ambient han da principi buca grondas resalvas enviers la realisaziun d’ina punt pendenta da S. Gada a Mustér sur il Rein a Mumpé Medel. Ils representants da quellas hagien
schizun elavurau in’atgna varianta, di Christian Loretz ch’ei commember alla gruppa d’interess. Ussa hagi ei num giudicar las variantas e presentar ina soluziun sin l’entschatta da l’auter onn. La punt ei calculada cun cuosts da 1,8 milliuns francs. Ils daners vul la gruppa d’interess recaltgar d’instituziuns, fundaziuns
e persunas privatas. La vischnaunca duei buca vegnir engreviada. Tenor Christian Loretz ei la finanziaziun il mument il pli grond impediment. La finamira ei da saver entscheiver cullas lavurs da construcziun per la punt igl onn 2022.