News-Details

Sefatschentai cul preventiv e cul luf

22.11.2021

Il cussegl da vischnaunca sut il presidi da Giusep Lozza ha inoltrau ina moziun che pretenda da sclarir cun il cantun Grischun pusseivladads per proteger il carstgaun ed ils animals dil luf. Ils 11 da november 2021 ei il luf s’avischinaus duront il di el vischinadi d'Acletta alla plazza da termagliar dil vitg da vacanzas REKA. En in liug datier a differenta purschida per affons e famiglias. Tenor regulativ da fatschentas dalla vischnaunca da Mustér sto la moziun vegnir tractada dil cussegl da vischnaunca enteifer miez onn dapi ch'ella ei vegnida inoltrada.

Il preventiv 2022 dil quen da gudogn e sperdita siara cun in surpli d’entradas da 329 600 francs. La vischnaunca quenta che las expensas sereduceschien en cumparegliaziun cul preventiv precedent per rodund 2.3% e las entradas per rodund 1.8%. Plinavon quenta la suprastonza communala cun in'atgna finanziaziun (cash-flow) da 1 065 600 francs ed investiziuns nettas da 7 773 000 francs egl onn vegnent. Pigl onn 2022 ei vegniu fixau il pei da taglia sin schischom sin 1.7‰. Il preventiv 2022 vegn suttamess al referendum facultativ conform alla constituziun communala. (cdm/fmr).