Mustér ha fatg fiasta

Andreas Cadonau/FMR

La fiasta dil vitg ei il classicher dalla sentupadas da stad, era sch’ei vegn festivau a Mustèr sulet mintga dus onns. Dabia stans cun ina purschida multifara, da beiber e da magliar en abundonza e sedivertir cun mulscher ina vacca ni cavigliar haras. Ei ha dau enzatgei da sedivertir per pign e grond inclus divertiment musical da popular entochen rock. La glieud ei vegnida en roschas alla fiasta situada denter casa da scola e casa da vegls e da tgira.

Sper la fiasta dil vitg han ins giu la sonda passada la pusseivladad da visitar in concert da musica classica el center da sport e cultura ed el medem liug da persequitar la sonda e dumengia ina concurrenza da speedcubing. Volver aschi spert sco pusseivel ils quadrels magics entochen tuts ein ella dretga posiziun. Fascinont cun tgei spertezia ch’ils quadrels vegnan cavigliai ella dretga posiziun. E la dumengia passada ein aunc sepurschida la pusseivladad da contemplar bials autos vegls alla tschunavla sentupada d’oldtimers en Surselva. Dabia visitadras e visitaders han nezegiau la pusseivladad d’admirar ils vehichels classics exponi la dumengia sil tetg ed ella casa da parcar dil resort Catrina a Mustér.