Administraziun
| Temps d'avertura | |
|---|---|
Gliendisdis, mardis, mesjamna e venderdis | 09:00 - 11:30 / 14:00 - 17:00 (ni tenor cunvegnientscha) |
| gievgia | 14:00 - 17:00, avonmiezdi serrau (ni tenor cunvegnientscha) |
Carta d'identitad
Nus supplichein Vus da s’annunziar persunalmein al spurtegl dall'administraziun communala per saver emplenir ora il formular da damonda per ina carta d'identitad, il qual Vus stueis suttascriver.
Carta d’identitad Svizra
• Ina fotografia da passaport actuala (Exempel da fotografia per ID
• Carta d’identitad veglia (sche avon maun)
| Valeivladad | Prezi | |
|---|---|---|
| Carschi (18+) | 10 onns | frs. 70.-- |
| Affons e giuvenils (<18) | 5 onns | frs. 35.-- |
Vus retscheveis ils documents ca. 15 dis da lavur suenter la damonda.
Passaport Svizzer (Pass 10)
Per far la damonda per in passaport Svizzer stueis Vus s’annunziar el center da documents d’identitad.
Center da documents d'identitad
Amt für Migration und Zivilrecht Graubünden
Ausweiszentrum Chur
Gäuggelistrasse 7
Caum postal 61
7002 Cuera
Tel. 081 257 52 20
| Temps d'avertura | |
|---|---|
| Gliendisdis - gievgia | 08:00 - 12:00 / 13:30 - 17:00 |
| Venderdis | 08:00 - 16:00 (aviert sur miezdi) |
Termin
Fixar in termin per telefon ni sut la pagina d'internet www.schweizerpass.ch. Al termin han ins da sepresentar persunalmein per tschaffar las indicaziuns biometricas e pagar ils documents.
Cumbinau - Passaport Svizzer e carta d'identitad
Ei dat era la pusseivladad da schar far ina carta d'identitad en cumbinaziun cun in passaport Svizzer tier il center da documents d'identitad. Ils cuosts per in combi muntan a frs. 148.-- per carschi e 68.-- per affons e giuvenils entochen 18 onns.
Vignetta per moped
Numeras d’immatriculaziun e vignettas per velos electronics e motos (mopeds) saveis Vus retrer al spurtegl dall’administraziun communala.
Vus stueis prender cun Vus il certificat da vehichel.
Valeivladad dalla vignetta: mintgamai entochen ils 31 da matg digl onn vegnent.
| Taxa annuala | frs. 25.00 |
| Segirada | frs. 18.00 |
| Total | frs. 43.00 |
Lubientscha da cavar cristallas
Tenor artechel 17 dalla „Lescha davart igl encurir cristallas e mineralias ed il lavar aur dalla vischnaunca Disentis/Mustér“ valan dapi igl 1. da schaner 2000 las suandontas taxas per lubientschas:
| Lubientscha ordinaria per 1 onn | Cuosts |
|---|---|
| Per burgheis dalla vischnaunca e per Svizzers domiciliai en vischnaunca | frs. 100.-- |
| Per tuts burgheis Grischuns e per Svizzers domicilai el cantun | frs. 250.-- |
| Per tuts ulteriurs Svizzers ni persunas digl exteriur domiciliadas en Svizra (lubientscha C) | frs. 400.-- |
| Per tuttas ulteriuras persunas digl exteriur | frs. 600.-- |
| Ulteriuras lubientschas da cavar cristallas | Cuosts |
|---|---|
| Cartas dall'jamna (Svizzers e jasters) | frs. 100.-- |
| Cartas dil di (Svizzers e jasters) | frs. 20.-- |
Lubientschas supplementaras
Lubientschas supplementaras da schluppentar e luvrar cun maschinas da furar san vegnir retratgas da persunas sesentas en vischnaunca Disentis/Mustér.
| Taxa annuala per la lubientscha supplementara per siglientar | frs. 200.-- |
| Taxa da lavar aur el senn digl art. 4 | frs. 200.-- |
Extract ord la „Lescha davart igl encurir cristallas e mineralias ed il lavar aur“.
Taglia da tgauns
Possessurs ch’acquistan da niev in tgaun ein obligai da vegnir enteifer 30 dis persunalmein al spurtegl dall’administraziun communala per cumprovar la registraziun dil microchip. Il conto sin la plattafuorma da datas Amicus vegn endrizzaus entras l’administraziun communala. Mintga possessur ei obligaus da registrar acquists, surdadas, mortoris ed exports d’in tgaun.
Ils possessurs da tgauns retscheivan mintg’onn in quen cun la taglia da tgauns. Quella munta pigl emprem tgaun a frs. 120.00 e per mintga ulteriur tgaun ella medema casada a frs. 180.00 per onn.
Cun ils mussaments necessaris ein possessurs da tgauns da polizia, tgauns da lavinas sco era tgauns per tschocs e suords deliberai dalla taxa.
Marcas da rumien
Marcas da rumien san ins retrer al spurtegl dalla administraziun communala. Ulteriuras informaziuns anfleis Vus sut Regiun Surselva.
| 1 rolla da 17 liters | frs. 8.-- |
| 1 rolla da 35 liters | frs. 16.-- |
| 1 rolla da 60 liters | frs. 13.-- |
| 1 rolla da 110 liters | frs. 24.-- |
| 1 plumba | frs. 26.-- |
| 1 rolla per reciclar plastic | frs. 11.-- |
Lubientscha da carrar sin vias d'uaul
Per carrar sin vias d'uaul sin il territori dalla vischnaunca da Disentis/Mustér basegna ei ina lubientscha da carrar che sa vegnir retratga al spurtegl dall'administraziun communala, il center da sport e cultura sco era tier il post da polizia.
Ils cuosts per ina lubientscha da carrar dad 1 di muntan a frs. 15.--. La lubientscha da carrar dad 1 jamna munta a frs. 30.--.
| Num dalla via | Ruta |
|---|---|
| Via Runfoppa Su | Val Heiser - Pegn Rodund - Runfoppa Su |
| Via Acletta | Via Acletta - Sin dall'Aua |
| Via Plaun Menisch | Via Peisel - Plaun Menisch - Crap alv (Val Segnas - Segnas) |
| Via Prau Su | Via Segnas - Curtins - Run Cunel - Prau Su |
| Via Cavorgia | Via Valzeina - Cavorgia - Camahers - Via Cavorgia - Val Gierm |
| Via Mumpé Medel - Fontauna | Via Mumpé Medel - Clavadials - Fontauna Via Mumpé Medel - Cavorgia Sut |
| Via Plaun Tiatscha | Via Mumpé Medel - Plaun Tiatscha - Stagias |
| Via Brulf | Fontanivas - punt da Brulf |
| Via Cavardiras - Caischavedra | Via Cavardiras - Runtget - Runca - Lag Grond Via Mulinets - Bovas - Runtgets |
Extract dil register penal
In extract dil register penal saveis Vus empustar al spurtegl dalla Posta sco era online. Cheu anfleis Vus il link.
