MISSIUN D’ADVENT – Sas Ti sligiar il legn?

Il temps da Nadal stat avon porta. Ei quei buc ina buna caschun per in “Actionbound”?!

Il nanin Edvin ha piars quater pacs da Nadal. Els ein spatitschai pigl entir vischinadi da Segnas entuorn. Gidas el d’anflar ils pacs per ch’ils giavischs da Nadal mondien tuttina aunc en vigur?

Il “Bound” entscheiva tier la casa da scola a Segnas e meina tei tras il vischinadi. Ti vegnas menaus da post tier post, has da sligiar legns e pensums e cun empau cletg anflas Ti la finiziun nua ch’ina surpresa spetga Tei.

Il “Bound” ei screts per romontsch e cuoza circa 60-90 minutas. El ei aviarts naven dils 30 da november 2025 entochen ils 2 da schaner 2026 e sa vegnir giugaus da tuttas uras ed ei per grond e pign. Per saver gidar il nanin Edvin stos ti cargar giu l’app “Actionbound” – ina app per gruppa tonscha.

Las organisaturas Anna, Linda, Barbara e Carla giavischan bien cletg e bia plascher!