Uffeci forestal e menaschi tecnic

Pervia da lavurs da manteniment, tagls da lenna, neiv ni prighels dalla natira ston las sendas da viandar, las vias d’uaul e las vias campestras per part vegnir serradas a cuorta vesta. La survesta actuala anfleis Vus cheu.

• cussegliaziun en connex cun igl uaul privat
• lavur publica en connex cun igl uaul e cun prighels dalla natira
• tgira digl uaul giuven
• raccolta da lenna
• tagls da segirtad da plontas/lenna (en ed ordeifer il territori habitau)
• survetsch d’unviern

En cass da damondas dat il schef dil menaschi tecnic, Simon Cathomen, bugen sclariment sut hc.sitnesidobfsctd-49264f@luau ni 081 920 36 41.

Sin la Senda dils Laruns denter Pardi e Stavel stattan endisch hazers laruns che envidan d’observar, ruassar, smarvigliar e reflectar. Las petgas da larisch imposantas dattan informaziuns ed indezis per scuvierer da niev ed a moda intensiva la bellezia digl uaul da muntogna e dalla cuntrada culturala alpina. La Senda dils Laruns ei vegnida construida denter auter dalla squadra dil menaschi tecnic e vegn mantenida regularmein. La senda ei ver dus kilometers liunga ed adattada per famiglias.