SANAZIUN CASA COMMUNALA – update

Nies niev spurtegl

Dapi mardis, ils 7 d’avrel 2026  astgein nus beneventar Vus a nies niev e modern spurtegl el plaunterren dalla casa communala. L’emprema etappa dil project da sanaziun pren aschia ina fin e sa en mintga cass semussar. Ils biros sanai procuran per ina atmosfera caulda ed emperneivla, tarlischan en bellezia lenn e cuntegnan bials e decents accents. Era ei nies spurtegl ussa accessibels per in e scadin, includiu persunas pli passadas ni cun impediments. Il team da survetschs selegra da beneventar Vus ellas novas localitads.

Stanza d’exposiziun publica

Daniev ein las damondas da baghegiar ed ils projects cun plans eav. exponi en la stanza avon ch’ins entra en nies spurtegl. En quella stanza ei plnavon d’anflar tuttas informaziuns actualas sco purschidas e fegls sgulonts davart events, uffecis, instituziuns e.a.v. La stanza d’exposiziun ei bein veseivla da vart seniastra el plaunterren dalla casa communala.

Proxims pass

En la proxima etappa vegn l’emprema alzada sanada. El futur vegnan las spartas infrastructura/baghegiar e taglia/finanzas a sesanflar en quests biros. Bugen tenin nus Vus sil current.

Administraziun communala