| En applicaziun d’art. 48 alinea 4 dalla lescha davart la planisaziun dil territori pil cantun Grischun (LPTGR) ha liug l’exposiziun publica da recuors pertuccont la revisiun totala dalla planisaziun locala dalla vischnaunca da Disentis/Mustér, la quala ei vegnida approbada ils 30 da november 2025 entras la votaziun all’urna.
Objects da publicaziun: Revisiun totala dalla planisaziun locala – parts dils habitadis e lescha da baghegiar
Acts d’exposiziun
- Lescha da baghegiar
- Plan da zonas e plan general da formaziun 1:2’000 Acletta/Funs, Disentis/Mustér, Faltscharidas, Segnas, Buretsch, Peisel, Cuoz, Mumpé Medel, Clavaniev
- Plan da zonas e plan general da formaziun 1:2’000 Disla, Cavardiras, Pardomat Dadens, Madernal, Mumpé Tujetsch
Annexa:
- Rapport da planisaziun e cooperaziun
Termin da publicaziun: 5 da december 2025 entochen ils 5 da schaner 2026 (30 dis)
Liug d’exposiziun: Administraziun communala Disentis/Mustér, Via Cons 2 (stanza nr. 10 local d’exposiziun) duront las uras da spurtegl
Midadas suenter la secunda publicaziun da cooperaziun / il Cussegl da vischnaunca:
Lescha da baghegiar
- Art. 5 al. 2 (Instanza da baghegiar): cumpletaziun alla fin dil paragraf: «(Uorden da fatschentas per la suprastonza communala e per l’organisaziun operativa, 016)»
- Art. 15 al. 3 (Parcellaziun e transferiment dall’utilisaziun): niev al. 3: «Tier spartiziuns da parcellas che succedan, suenter che la mobilisaziun da terren da baghegiar ei entrada en vigur, cun lubientscha dalla vischnaunca, sereferescha la mobilisaziun dil terren da baghegiar sin la parcella da tschep.»
- Art. 17: strihar entir artechel (Naven da cheu nova successiun/numeraziun)
- Art. 17 al. 1 lit. c) (Altezia dalla taxa): vegn en consequenza medemamein stizzau
- Art. 20 al. 3 (Dretg da reconstrucziun): tier emprema construcziun vegn strihau «da crear dil geometer dil cudisch funsil» e remplazzau cun «plans dalla situaziun effectiva».
- Art. 21 (schema da zonas): ei valan suandontas cefras d’utilisaziun: zona da habitar 1: 0.5, zona da habitar 2: 0.6, zona da habitar 3: 0.75, zona da habitar 4: 0.9, zona da habitar mischedada 2: 0.6, zona da habitar mischedada 3: 0.75, zona speciala Fraissen: 0.9.
Ei valan suandontas altezias da fatschada (mintgamai +zm): zona da habitar 1: 5.90m, zona da habitar 2: 8.60m, zona da habitar 3: 11.80m, zona da habitar 4: 14.00m, zona da habitar mischedada 2: 8.60m, zona da habitar mischedada 3: 11.80m.
- Art. 26 al. 5 (Lunghezia da baghetg): amplificaziun: «…ni il terren ch’ei vegnius adattaus tenor project …»
- Art. 29 al. 4 (Zona centrala): amplificaziun 2. construcziun: «en cass motivai». Stizzar la davosa construcziun: «Ils cuosts per la cussegliaziun vegnan adossai al patrun da baghegiar.”
- Art. 30 al. 3 (Zona dil vitg): cumplettaziun 4. construcziun: «en cass motivai». Stizzar la davosa construcziun: «Ils cuosts per la cussegliaziun vegnan adossai al patrun da baghegiar.”
- Art. 48 al. 2 (Zona per la protecziun digl uaul e dalla selvaschina): correctura ell’emprema construcziun (ils 20 da december enstagl dils 15).
- Art. 51 al. 2 (Zona per indrezs per sport e temps liber): nova construcziun alla fin: «Il diever da quels indrezs astga buca survargar il grad da disturbi entras canera definius tenor las zonas da habitar vischinontas.»
- Art. 70 al. 2 (Areal pil diever commercial dil plaunterren): niev al. 2: «Per quei intent sa la vischnaunca instradar mesiras da promoziun.»
- Art. 73 al. 1 (Sectur casa da habitar menader menaschi agricol): amplificaziun: «Cun la disposiziun dalla lubientscha da baghegiar vegn la colligiaziun dalla casa cul menaschi puril menziunada sin la parcellas pertuccadas el register funsil.»
- Art. 93 al. 2 (Tetgs): amiplificaziun ell’emprema construcziun: «ella zona dil vitg engrondida»
- Art. 94 al. 2, 3 und 4 (Indrezs solars, implonts da vent, tievlas solaras): vegnan stizzai senza remplazzament. Paragraf 5 daventa niev paragraf 2.
- Art. 100 al. 3 (Segirtad dil traffic): davosa construcziun: «sin donn e cuost dils proprietaris.»
- Art. 102 al. 5 e 6: vegnan stizzai senza remplazzament, paragraf 7 daventa niev paragraf 5.
- Art. 104 al. 4 (Conducts): cumpletaziun dalla davosa contrucziun: 10 «onns»
Plans da zonas e plans general da formaziun 1:2’000
- Parcellas 430, 347: zona per baghetgs pigns e curtgins enstagl zona dil vitg engrondida resp. zona d’agricultura, zona dil vitg engrondida enstagl zona d’agricultura
- Parcella 1831: adattar schurmetg dil baghetg, spustar minimalmein zona per baghetgs pigns e curtgins e zona dil vitg engrondida
- Parcella 1185: zona da habitar 2 enstagl zona per baghetgs pigns e curtgins
- Parcella 509: zona dil vitg engrondida enstagl zona per baghetgs pigns e curtgins
- Parcella 1603: zona da mistregn enstagl zona d’agricultura
- Parcella 1598: zona da parcar enstagl Landwirtschaftszone
- Parcella 396: zona dil vitg cun mobilisaziun dad 8 onns enstagl zona verda
- Parcella 589: Zona per baghetgs pigns e curtgins enstagl zona da habitar mischedada HM3, plinavon zona da habitar mischedada HM3 cun mobilisaziun dad 8 onns enstagl zona per baghetgs pigns e curtgins
- Parcella 1428: zona d’agricultura enstagl zona da parcar
- Parcellas 2270, 3919 und 559: zona da habitar H2 cun mobilisaziun dad 8 onns enstagl zona d’agricultura
- Parcella 309: reducziun zona d’agricultura
- Parcella 3851: zona per baghetgs pigns e curtgins enstagl zona da parcar
- Parcella 695: zona dil center enstagl zona da habitar H3
- Parcella 705: zona dil center enstagl zona da habitar mischedada HM3
- Parcellas 781, 989: strihar areal pil diever commercial dil plaunterren
- Parcella 563: zona da habitar H3 enstagl zona verda e zona per baghetgs pigns e curtgins, zona per baghetgs pigns e curtgins enstagl zona da habitar H3 resp. Zona verda
- Parcella 2197: zona per baghetgs pigns e curtgins enstagl zona dil vitg resp. Zona dil vitg enstagl zona per baghetgs pigns e curtgins
- Parcella 2524: zona ulteriur territori communal entagl zona da parcar
- Parcella 127: zona per baghetgs pigns e curtgins enstagl zona d’agricultura
- Parcella 1175: zona per baghetgs pigns e curtgins enstagl zona verda (senza part dalla parcella dil sid)
- Parcella 130: reducziun dil scamond per baghetgs da construcziun aulta
- Parcellas 281, 282, 283, 155, 157, 158, 159, 160, 167: Supraposiziun zona per il sport d’unviern
- Parcella 3922: zona da habitar H4 cun mobilisaziun dad 8 onns enstagl zona da habitar H3
- Parcella 921: zona da habitar mischedada HM3 enstagl zona per baghetgs pigns e curtgins
- Parcella 1832: barat egual davart la surfatscha dalla zona dil vitg engrondida cun zona per baghetgs pigns e curtgins
- Parcella 474, 477, 478: zona per baghetgs pigns e curtgins enstagl zona d’agricultura
- Parcella 478: amplificaziun zona dil vitg engrondida enstagl zona per baghetgs pigns e curtgins
- Parcellas 834, 835, 833: mobilisaziun dad 8 onns enstagl 3 onns
- Parcella 1793: zona dil vitg enstagl zona d’agricultura
- Parcellas 1330, 1331: zona spaciala Catrina cun obligaziun plan d’areal enstagl zona per igl ulteriur territori
- Cavardiras, Segnas, Disla, Mumpé Medel: correcturas agl ur digl areal habitau generalmein protegius
- Peisel: abolaziun areal habitau generalmein protegius
- Parcellas 1196, 1197 und 1434: surpostau zona per la protecziun dalla natira
Recuors da planisaziun:
Persunas, las qualas han in agen interess digns da vegnir protegius vid ina contestaziun dalla planisaziun ni ch’ein legitimadas leutier tenor dretg federal, san inoltrar alla Regenza enteifer 30 dis dapi il datum da publicaziun a scret in recuors da planisaziun encunter la planisaziun locala.
Organisaziuns digl ambient:
Organisaziuns digl ambient exerciteschan lur dretg da recuors tenor art. 104, alinea 2 dalla lescha cantunala davart la planisaziun dil territori. Q.v.d. ellas s’annunzian enteifer il temps da recuors tier igl uffeci cantunal pil svilup dil territori ed inoltreschan silsuenter eventualmein ina posiziun.
Disentis/Mustér, 1. da december 2025
Suprastonza communala |
