SANAZIUN CASA COMMUNALA – update

Nies niev spurtegl

Dapi mardis, ils 7 d’avrel 2026 beneventein nus Vus a nies niev e modern spurtegl el plaunterren dalla casa communala. L’emprema etappa dil project da sanaziun pren aschia ina fin e sa en mintga cass semussar. Ils biros sanai procuran per ina caulda ed emperneivla atmosfera, tarlischan en bellezia lenn clar e cuntegnan bials e decents accents. Era ei nies spurtegl uss accessibels per in e scadin, includiu persunas passadas ni cun impediments. Il team da survetschs selegra da beneventar Vus ellas novas localitads.

Stanza d’exposiziun publica

Daniev ein ils plans da baghegiar da damondas da baghegiar actualas e projects exponi en la stanza avon ch’ins entra en nies spurtegl. La stanza cuntegn per l’autra era tuttas informaziuns actualas sco purschidas e fegls sgulonts davart events, uffecis, instituziuns e.a.v.. La stanza d’exposiziun ei bein veseivla da vart seniastra el plaunterren dalla casa communala. Vus veseis gia atras il veider dil bi esch da lenn ina massa interessantas informaziuns.

Proxims pass

En la proxima etappa vegn l’emprema alzada sanada. En futur vegn la sparta d’infrastructura e baghegiar e finanzas a sesanflar en quests biros. Bugen tenin nus Vus sil current.

Administraziun communala