News-Details

In milliun francs dil cantun pil Center Fontauna

19.06.2020

Supplementarmein sustegnan la confederaziun ed ils cantuns dil Gottard Grischun, Uri, Tessin e Valleis il project el rom dalla Nova politica regiunala dalla confederaziun (NPR) sur il Program San Gottardo 2020–2023 cun in emprest senza tscheins da dus milliuns francs e cun prestaziuns cantunalas equivalentas da rodund 460 000 francs. Il project Center Fontauna prevesa d’augmentar la valur e d’extender la purschida dil Center da sport e cultura actual a Mustér. Ultra dalla halla da gimnastica treidubla, dalla halla da tennis e dalla halla da reiver ch’existan gia duein locals da fitness, da spinning e d’erobic sco era in niev stabiliment da reiver e da bouldrar amplificar la purschida. Sco quei che la regenza scriva en sia communicaziun als mieds da massa ha il project in grond nez per l’economia publica dalla
regiun dalla Surselva e corrispunda alla strategia regiunala pil svilup dall’economia locala.

https://www.gr.ch/DE/Medien/Mitteilungen/MMStaka/2020/Seiten/2020061801.aspx

www.gr.ch/RM/medias/communicaziuns/MMStaka/2020/Seiten/2020061801.aspx

https://www.rtr.ch/novitads/grischun/surselva/center-da-sport-e-cultura-chantun-sustegn-finanzialmain-il-project