Administraziun
| Temps d'avertura spurtegl | |
|---|---|
Gliendisdis | 08:30 - 11:30 / 15:00 - 18:30 |
| Survetsch da telefon | |
Gliendisdis - gievgia | 08:00 - 12:00 / 13:30 - 17:00 |
Igl access en casa communala e l'investa els documents exponi publicamein ein pusseivels duront las uras d'avertura dil spurtegl.
Ulteriur sclariment duront las uras da telefon 081 920 36 36.
Carta d'identitad
Nus supplichein Vus da s’annunziar persunalmein al spurtegl dall'administraziun communala per saver emplenir ora il formular da damonda per ina carta d'identitad, il qual Vus stueis suttascriver.
Carta d’identitad Svizra
• Ina fotografia da passaport actuala (Exempel da fotografia per ID
• Carta d’identitad veglia (sche avon maun)
| Valeivladad | Prezi | |
|---|---|---|
| Carschi (18+) | 10 onns | frs. 70.-- |
| Affons e giuvenils (<18) | 5 onns | frs. 35.-- |
Vus retscheveis ils documents ca. 15 dis da lavur suenter la damonda.
Passaport Svizzer (Pass 10)
Per far la damonda per in passaport Svizzer stueis Vus s’annunziar el center da documents d’identitad.
Center da documents d'identitad
Amt für Migration und Zivilrecht Graubünden
Ausweiszentrum Chur
Gäuggelistrasse 7
Caum postal 61
7002 Cuera
Tel. 081 257 52 20
| Temps d'avertura | |
|---|---|
| Gliendisdis - gievgia | 08:00 - 12:00 / 13:30 - 17:00 |
| Venderdis | 08:00 - 16:00 (aviert sur miezdi) |
Termin
Fixar in termin per telefon ni sut la pagina d'internet www.schweizerpass.ch. Al termin han ins da sepresentar persunalmein per tschaffar las indicaziuns biometricas e pagar ils documents.
Cumbinau - Passaport Svizzer e carta d'identitad
Ei dat era la pusseivladad da schar far ina carta d'identitad en cumbinaziun cun in passaport Svizzer tier il center da documents d'identitad. Ils cuosts per in combi muntan a frs. 148.-- per carschi e 68.-- per affons e giuvenils entochen 18 onns.
Vignetta per moped
Naven digl 1. da schaner 2023 ei igl Uffeci per il traffic sin via il post d'emissiun per vignettas e per numeras d'immatriculaziun per mopeds (velos a motor) e per e-bikes. Tier la vischnaunca san neginas vignettas e numeras pli vegnir retratgas.
L'entschatta digl onn 2023 survegnan possessurs dalla vignetta 2022, dils quals il vehichel ei vegnius registraus ella banca da datas digl uffeci cantunal, automaticamein in quen pro fuorma per posta per la vignetta 2023. Aschispert che quei quen ei pagaus, vegn la nova vignetta tarmessa per posta. Tgi che less buc retrer ina vignetta pigl onn 2023, paga buca quei quen e fiera naven el.
Novs possessurs da mopeds san seregistrar cul formular ufficial digl Uffeci per il traffic sin via. Ulteriur sclariment sut www.stva.gr.ch ni 081 257 80 00.
Lubientscha da cavar cristallas
Tenor artechel 16 dalla „Lescha davart igl encurir cristallas e mineralias ed il lavar aur dalla vischnaunca Disentis/Mustér“ valan dapi igl 1. da schaner 2019 las suandontas taxas per lubientschas:
| Lubientscha ordinaria per 1 onn | Cuosts |
|---|---|
| Per persunas domiciliadas en vischnaunca | frs. 100.-- |
| Per tuts burgheis Grischuns e per Svizzers domicilai el cantun | frs. 250.-- |
| Per tuts ulteriurs Svizzers ni persunas digl exteriur domiciliadas en Svizra (lubientscha C) | frs. 400.-- |
| Per tuttas ulteriuras persunas digl exteriur | frs. 600.-- |
| Ulteriuras lubientschas da cavar cristallas | Cuosts |
|---|---|
| Cartas dall'jamna (Svizzers e jasters) | frs. 100.-- |
| Cartas dil di (Svizzers e jasters) | frs. 20.-- |
Lubientschas supplementaras
Lubientschas supplementaras da schluppentar e luvrar cun maschinas da furar san vegnir retratgas da persunas sesentas en vischnaunca Disentis/Mustér.
| Taxa annuala per la lubientscha supplementara per siglientar | frs. 200.-- |
| Taxa da lavar aur el senn digl art. 4 | frs. 200.-- |
Extract ord la „Lescha davart igl encurir cristallas e mineralias ed il lavar aur“.
Taglia da tgauns
Possessurs ch’acquistan da niev in tgaun ein obligai da vegnir enteifer 30 dis persunalmein al spurtegl dall’administraziun communala per cumprovar la registraziun dil microchip. Il conto sin la plattafuorma da datas Amicus vegn endrizzaus entras l’administraziun communala. Mintga possessur ei obligaus da registrar acquists, surdadas, mortoris ed exports d’in tgaun.
Ils possessurs da tgauns retscheivan mintg’onn in quen cun la taglia da tgauns. Quella munta pigl emprem tgaun a frs. 120.00 e per mintga ulteriur tgaun ella medema casada a frs. 180.00 per onn.
Cun ils mussaments necessaris ein possessurs da tgauns da polizia, tgauns da lavinas sco era tgauns per tschocs e suords deliberai dalla taxa.
Marcas da rumien
Marcas da rumien san ins retrer al spurtegl dalla administraziun communala. Ulteriuras informaziuns anfleis Vus sut Regiun Surselva.
| 1 rolla da 17 liters | frs. 8.-- |
| 1 rolla da 35 liters | frs. 16.-- |
| 1 rolla da 60 liters | frs. 13.-- |
| 1 rolla da 110 liters | frs. 24.-- |
| 1 plumba | frs. 26.-- |
| 1 rolla per reciclar plastic 60 liters | frs. 11.-- |
| 1 rolla per reciclar plastic 110 liters | frs. 20.-- |
Lubientscha da carrar sin vias d'uaul e vias da cultivaziun
Per carrar sin vias d'uaul e sin las vias da cultivaziun sin il territori dalla vischnaunca da Disentis/Mustér basegna ei ina lubientscha da carrar. Cul suandont formular saveis Vus far la damonda per retrer tala:
| Formular (per proprietaris ni affittaders da schischom) |
| Formular (per cultivaders) |
Ulteriurs documents
Extract dil register penal
In extract dil register penal saveis Vus empustar al spurtegl dalla Posta sco era online. Cheu anfleis Vus il link.
