Center da rimnada Raveras
Temps d'avertura
gliendisdis - venderdis 12.00 - 17.00
sonda 08:00 - 11:00
Agenda da rumien
L'agenda da rumien anfleis Vus cheu
Informaziuns actualas
Adattaziun dalla purschida dil center da rimnada a Raveras
Naven dils 16 d’uost 2021 vegn la purschida dil center da rimnada a Raveras adattada sco suonda:
Pupi:
Vegn rimnaus al center da rimnada tenor las uras d’avertura sura numnadas.
Las duas rimnadas entras la scola da Mustér restan vinavon (publicaziun mintgamai el fegl ufficial).
Rumien special, colurs:
Rumien special sco colurs, diluent, lac, soluziun alcalica etc. ein da furnir ad interpresas specialisadas per quei intent resp. al vendider.
Art. 33 dalla lescha davart l’economisaziun dils rufids.
Medicaments, tissis, colur sco ulteriuras materias nuscheivlas astgan buca vegnir deponi ni deviai en la canalisaziun. Tals curdems ein da returnar als posts da vendita e da dismetter tenor las prescripziuns da Confederaziun e Cantun.
Rufids da baghetg:
Rufids da baghetg (sco. lenna, plattas da gep, isolaziuns etc.) derivonts da spazzadas da baghetgs, renovaziuns, sanaziuns, plazzals da baghegiar etc. ein da furnir ad interpresas specialisadas per quei intent.
Art. 7 dalla lescha davart l’economisaziun dils rufids
Rufids sin plazzals da baghegiar ein:
a) Material buca tschuffergnaus, sco tratsch, crappa e grep, il qual sa vegnir utilisaus senza restricziuns respectiv vegnir deponius sin ina deponia per material da scavament lubida.
b) Restonzas da baghetg las qualas san vegnir reutilisadas respectivamein deponidas sin ina deponia per materials (Innertstoffdeponie).
c) Rufids blocconts da baghetgs sco auters rufids, ils quals corrispundan buca allas sura categorias, che ston vegnir sorti per ch’ei sappien vegnir reutilisai, tractai u deponi/barschai en in implont corrispundent.
Art. 24 dalla lescha davart l’economisaziun dils rufids.
Material che deriva da sanaziuns da baghetgs e restonzas da baghegiar ston vegnir rimnai separadamein e reutilisai. Restonzas che san buca vegnir reutilisadas ston vegnir deponidas en ina deponia da reactur, respectivamein barschadas en implont da barschar rumien. Igl ei scumandau da barschar restonzas da baghetgs.
Rufids da baghetg ein da rimnar sils plazzals da baghegiar en recipients adattai ni da furnir ad interpresas specialisadas per quei intent, ed astgan buca vegnir purtai al center da rimnada a Raveras.
